Milli komandamız Koşitseyə çatdı

Milli komandamız UEFA Millətlər Liqasının yeni mövsümündə ilk səfər matçını keçirəcəyi Slovakiyaya çatıb. 

Presssport.az-ın "Misli"nin təşkilatçılığıyla bu ölkəyə ezam olunmuş əməkdaşı xəbər verir ki, Bakıdan Koşitseyə çarter reysilə 4 saatlıq yol qət edilib.

Millimiz matçın keçiriləcəyi bu şəhərdə “Yasmin”, media nümayəndələri “Ambassador” otelində qalacaq. Oyuna son məşq sabah olacaq. Matç sentyabrın 8-də Koşitse Futbol Arenasında Bakı vaxtilə saat 20:00-da keçiriləcək.

Onu da bildirək ki, səfərimiz “Misli”nin sponsorluğu ilə reallaşıb.