Qubada keçirilən "Ulduz Cup"ın qalibi əcnəbi komanda olub

“İdman paytaxtı” Quba şəhərində 12 yaşadək futbolçular arasında keçirilən "Ulduz Cup" beynəlxalq turnirinə yekun vurulub.

Presssport.az xəbər verir ki, Quba Olimpiya İdman Kompleksində 3-cü yer uğrunda qarşılaşmada “Bunyodkor” (Özbəkistan) “Saburtalo”ni (Gürcüstan) məğlub edib. 

Finalda isə “Dinamo Minsk” (Belarus) “Ulduz” FA-ya qalib gələrək yarışın qalibi olub. 

İkinci və üçüncü yerləri müvafiq olaraq “Ulduz” FA  və “Bunyodkor” tutub.

Xatırladaq ki, Gənclər və İdman Nazirliyi, AFFA və "Ulduz" Futbol Akademiyasının birgə təşkilatçılığı ilə keçirilən yarışda 5 ölkədən 8 komanda mübarizə aparıb.