"Tottenhem"in 2 futbolçusu "Qarabağ"la matçdan əvvəl zədələnib

Avropa Liqasının Liqa mərhələsində "Qarabağ"ın rəqibi olan "Tottenhem" ciddi itkilərlə üzləşib.

Presssport.az xəbər verir ki, London təmsilçisinin 2 futbolçusu ölkə kubokunun III mərhələsinin "Koventri" ilə matçında sıradan çıxıb.

Belə ki, Vinger Vilson Odeber və hücumçu Timo Verner zədə səbəbindən oyunu vaxtından əvvəl tərk etməli olub. "Tottenhem"in baş məşqçisi Anje Postekoqlu Oderberin zədəsinin ciddi olduğunu açıqlayıb. Onun sözlərinə görə, Vernerin durumu isə hələlik bəlli deyil.

Xatırladaq ki, "Qarabağ"ın "Tottenhem"lə görüşü sentyabrın 26-da Londonda baş tutacaq.