Diniyev - Dadaşov qarşıdurmasında kim sevindi?

Türkiyə I Liqasında VII turun oyunları keçirilir.

Presssport.az xəbər verir ki, millimizin futbolçusu Coşqun Diniyevin formasını geyindiyi “Bandırmaspor” öz meydanında yığmamızın hücumçusu Renat Dadaşovun şərəfini qoruduğu “Ankaragücü” ilə qarşılaşıb.

Matç “Bandırmaspor”un 2:0 hesablı qələbəsi ilə yekunlaşıb. Meydana start heyətində çıxan Coşqu 84-cü dəqiqədə əvəzlənib. Renat Dadaşov isə 59-cu dəqiqədə meydana çıxsa da, komandasını məğlubiyyətdən xilas edə bilməyib.

Bu qələbə sayəsində qələbəsiz oyunlar seriyasına son qoyan Diniyevin komandası xallarının sayını 11-ə artırmaqla turnir cədvəlində 6-cı pilləyə yüksəlib. “Ankaragücü” isə 9 xalla 14-cü pillədə qərarlaşıb.