Əliyar Ağayev ÇL-də növbəti oyununu idarə edib - 1 qol, 6 vərəqə

Azərbaycanın FİFA referisi Əliyar Ağayev Çempionlar Liqasında (ÇL) növbəti oyununu idarə edib. 

Presssport.az xəbər verir ki, o, qitənin “1 nömrə”li klub turnirinin Liqa mərhələsini II turunda çərçivəsində keçirilən “Şturm” (Avstriya) - “Brügge” (Belçika) oyununun baş hakimi olub.

Matç qonaqların 1:0 hesablı qələbəsi ilə yekunlaşıb. Belçika təmsilçisinə qələbə gətirən yeganə qolu 23-cü dəqiqədə Kristos Tzolis vurub. 

Ağayev oyunda meydan sahiblərinin 5, qonaqların isə 1 futbolçusunu sarı vərəqə ilə cəzalandırıb. 

Xatırladaq ki, Klaqenfurt şəhərində yerləşən “Verterze” stadionunda keçirilən matçda Əliyara Zeynal Zeynalov və Akif Əmirəli kömək edib. Dördüncü hakim funksiyasını Tural Qurbanov yerinə yetirib.