"Mingəçevir reqatası-2024” beynəlxalq turnirinin bağlanış mərasimi keçirilib - Azərbaycan medal sayında 1-ci olub

Avarçəkmə, kayak və kanoe üzrə "Mingəçevir reqatası-2024” beynəlxalq turnirinin bağlanış mərasimi keçirilib.

Presssport.az-ın Mingəçevirə ezam olunan əməkdaşı xəbər verir ki, ilk olaraq yarışın son günündə medal qazanan idmançılar mükafatlandırılıb.

Azərbaycan 24 medalla ən çox mükafat əldə edən komanda olub. Yığma üzvlərinə kayak-kanoe və akademik avarçəkmə üzrə xüsusi mükafat verilib.

Xatırladaq ki, Azərbaycan təmsilçiləri 12 ölkədən 100-dək avarçəkənin iştirak etdiyi turniri 24 medalla başa vurub.