U-19 yığmamız özbəklərə yenə uduzdu

Özbəkistanda təlim-məşq toplanışında olan 19 yaşadək qadın futbolçulardan ibarət Azərbaycan milli komandası 2-ci yoldaşlıq görüşünü bu gün keçirib.

Presssport.az xəbər verir ki, U-19 yığmamız Özbəkistanın müvafiq yaş qrupundan ibarət komandası ilə qarşılaşıb.

Daşkənddə baş tutan matçda meydan sahibləri 89-cu dəqiqədə penaltidən vurulan qol sayəsində minimal hesablı qələbə qazanıb.

Xatırladaq ki, nu yığmalar arasında ilk yoldaşlıq matçında özbəklər 7:0 hesabı ilə qalib gəlmişdi.