"Ayaks"ın baş məşqçisi "Qarabağ"ın fantastik startından danışıb: "Qırmızı vərəqədən sonra işlər lehimizə getdi"

"Təbii ki nəticədən razıyıq. Qələbə qazandıq. Oyunçularımın performansından razı qaldım".

Presssport.az xəbər verir ki, bu sözləri "Ayaks"ın baş məşqçisi Françesko Farioli Avropa Liqasının Liqa mərhələsinin 3-cü turunda "Qarabağ"ı 3:0 hesabı ilə məğlub etdikləri oyundan sonra təşkil olunan mətbuat konfransında deyib.

Ardından italiyalı mütəxəssis jurnalistlərin suallarını cavablandırıb:

- Hakimin performansını necə dəyərləndirirsiniz? Niderland çempionatında bu cür penalti, yaxud qırmızı vərəqə verilir?

- Qaydalara görə, heç vaxt hakimlər barədə danışmırıq. 

- Tam fərlqi “Ayaks” gözləyirdik. Xüsusilə hissədə komandanızın oyunundan nə dərəcədə razı qaldınız?

- Birinci hissədə "Qarabağ" oyuna fantastik başladı. Bunu gözləyirdik. Dünən də işimizin heç də asan olmayacağını demişdim. Lakin "Qarabağ" azlıqda qaldıqdan sonra oyunun gedişatı dəyişdi.

- Qələbədə hansı amil həlledici oldu?

- Bu, sadəcə bir elementlə bağlı deyil. İlk qoldan sonra daha rahat oynadıq. Daha çox qol şanslarımız oldu. Azlıqda qalsa da, "Qarabağ" təzyiqləri davam etdirirdi və yalnız 0:3-dən sonra təslim oldu.