Ərəblər Roberto Mançinini qovdu

Səudiyyə Ərəbistanı millisinin baş məşqçisi Roberto Mançini istefaya göndərilib.

Presssport.az xəbər verir ki, bu barədə sözügedən ölkənin futbol federasiyası məlumat yayıb. 

Daha əvvəl 59 yaşlı italiyalı mütəxəssisin qeyri-qənaətbəxş nəticələrə, eləcə də məşqçi ilə komanda arasında münasibətlərin pisləşməsinə görə millini tərk edəcəyi bildirilirdi.

Xatırladaq ki, Mançini 2023-cü ilin yayından bu postda idi. Ərəblər rəhbərliyi altında son 5 qarşılaşmadan yalnız 1-də qələbə qazanıb.

Həmçinin daha əvvəl Səudiyyə Ərəbistanı Futbol Federasiyasının bu vəzifəyə Zinəddin Zidanı gətirmək istədiyi haqda məlumatlar da yayılmışdı.

Xatırladaq ki, Mançini karyerası ərzində "İnter", "Mançester Siti", "Qalatasaray", "Zenit", "Latsio", "Fiorentina" kimi klublara baş məşqçilik edib. O, öz milllisini də çalışdıraraq AVRO-2020-nin qalibi olub.