“Qarabağ”ın matçlarını idarə etmişdi, UEFA diskvalifikasiya etdi

UEFA “Qarabağ”ın avrokubok oyunlarını idarə etmiş polşalı baş hakim Bartoş Frankovskini 2025-ci ilə qədər diskvalifikasiya edib.

Presssport.az xəbər verir ki, buna referinin digər həmkarı Tomaş Musialla birgə içkili halda yol nişanlarına zərər yetirməklə qeyri-etik davranışları səbəb olub.

Onlar cari mövsümün əvvəlində Çempionlar Liqasının III təsnifat mərhələsinin “Reyncers” (Şotlandiya) – “Dinamo” (Kiyev, Ukrayna) oyununa VAR hakimləri kimi təyinat alıb. Lakin etdikləri hərəkətlərə görə başqa hakimlərlə əvəzlənib.

Hər iki ədalət qoruyucusu nizam-intizam qaydalarını pozduqlarına görə UEFA tərəfindən 2025-ci ilin iyununadək hakimlikdən uzaqlaşdırılıb.

Xatırladaq ki, Frankovski 2019-cu ildə “Qarabağ”ın Çempionlar Liqasının II təsnifat mərhələsinin “Dandolk” (İrlandiya) və 2022-ci ildə Fransanın "Marsel" klubuna qarşı Konfrans Liqasının pley-off mərhələsinin cavab qarşılaşmasının baş hakimi olub.