“Qarabağ”ın 150-ci böyükhesablı qələbəsi

“Qarabağ” Azərbaycan çempionatında 150-ci böyükhesablı qələbəsini qazanıb.

Presssport.az xəbər verir ki, yubiley Misli Premyer Liqasının XI turuna təsadüf edib.

Ağdam klubu öz meydanında “Şamaxı”nı 3:0 hesabı ilə məğlubiyyətə uğradıb. 

1992-ci ildən keçirilən ölkə çempionatlarının daimi iştirakçısı olan Ağdam təmsilçisi ən çox böyükhesablı qələbə qazanan komandadı. “Köhlən atlar” ilk belə qələbəsini 1992-ci ildə qazanıb. Bu, mayın 6-da evdə Kürdəmir “Şirvan”ına 6:0 hesabı ilə qalib gəldiyi matçdı.