Azərbaycan Kubokunda 1/8 finala yüksələn 4 komanda bəlli oldu

Azərbaycan Kubokunda II təsnifat mərhələsi davam edir.

Presssport.az xəbər verir ki, 2-ci oyun günündə 4 matç keçirilib. 

MOİK evdə “Şimal” üzərində inamlı qələbə ilə mərhələ adlayıb. Komanda 1/8 finalda "Sumqayıt"a rəqib olub.

"Şahdağ Qusar" “Araz-Naxçıvan”a Mərdəkanda böyük hesabla uduzub. Naxçıvan klubu "Mingəçevir" - "Zaqatala" duelinin güclüsü ilə qarşılaşacaq.

"Ağdaş" "Kəpəz"i Tovuzda qəbul edib. Gəncəlilər darmadağınla çıxdığı növbəti raundda "İmişli" - "Cəbrayıl" cütünü qalibi ilə görüşəcək.

"Səbail" isə "Dinamo"nun qonağı olub. Bayıldakı görüş də nominal qonaqların 6:0-lıq qələbəsi ilə bitib.

Onu da bildirək ki, II təsnifat mərhələsinin digər görüşləri 30 və 31 oktyabrda keçiriləcək.

29 oktyabr (çərşənbə axşamı) 

18:00. “Dinamo” – “Səbail” - 0:6 

Qol: Oruc Məmmədov, 22, Vüsal Məsimov, 25, Gülağa Əsədov, 39, 56, Ayman Bouali, 66, Fərid Şahhüseyni, 86
Hakimlər: Ruslan Quliyev, Qəzənfər Məmmədov, Taleh Məmmədov, Fərid Hacıyev
“ASCO Arena”

16:00. “Şahdağ Qusar” – “Araz-Naxçıvan”  - 0:4 

Qollar: Sənan Ağalarov, 16, Benni, 45, Sənan Ağalarov, 49, Elcan Məmmədov, 81
Hakimlər: Əli Əliyev, Zöhrab Abbasov, Rəhman Aslanov, Niyaz Əhmədov
“Liv Bona Dea Arena”

16:00. “Ağdaş” – “Kəpəz” - 0:6 

Qollar: Lassana Ndiaye, 10, Kərim Lkoça, 17, 42, Tural Rzayev, 21, 60, N. Məmmədov, 64
Hakimlər: Səbuhi Bayramov, Sənan Atayev, Rasim Axundov, Əkbər Əhmədov
Tovuz şəhər stadionu

14:00. MOİK – “Şimal”  - 3:1

Qollar: Cavid Tağıyev, 17, Balamirzə Soltanov, 55, Cavidan Abbaszadə, 90+1 - Məhəmməd Ağayev, 90+3
Hakimlər: Namiq Bəkirov, Səbuhi Əmrahov, Səbuhi Soltanov, Murad Səlimov
“Kapital Bank Arena” (ehtiyat meydança)