Sənan Abdullayev: "Yaranan problem PFL-dın qaynaqlanmır"

Peşəkar Futbol Liqasının (PFL) rəsmi saytında yaranan problemin səbəbi müəyyənləşib.

Bu barədə Presssport.az-a qurumun mətbuat xidmətinin rəhbəri Sənan Abdullayev açıqlama verərək, problemin PFL-dən yox, əməkdaşlıq etdikləri şirkətdən qaynaqlandığını söyləyib: "Bizə verilən məlumata görə, saytın serverində texniki problemlər yaranıb. Saytı hazırlayan şirkət bunu aradan qaldırmağa çalışır. Əməkdaşlıq etdiyimiz tərəf bir çox layihələri həyata keçirən və ölkənin önəmli saytlarını hazırlayan, texniki işlərini icra edən köklü şirkətlərdəndi. Ən qısa zamanda problemin aradan qalxacağına, həm media nümayəndələrinə, həm də izləyicilərimizə operativ məlumatları çatdırmağa davam edəcəyəmizə ümid edirik".

Onu da bildirək ki, adıçəkilən qurumun rəsmi saytında üç gündür problemlər müşahidə olunur.