Azərbaycan Kubokunda son 1/8 finalçılar darmadağına sevindi

Bu gün Azərbaycan Kubokunda II təsnifat mərhələsinə yekun vurulub.

Presssport.az xəbər verir ki, son oyun günündə 2 matç keçirilib. Bunlar I Liqa təmsilçilərinin dueli olub.

"İmişli" "Cəbrayıl"la Şamaxıda qarşılaşaraq 5:1 hesablı qələbə qazanıb. Bununla da 1/8 finala adlayan imişlilər "Kəpəz"ə rəqib olub.

"Qəbələ" isə “Bakı Sportinq”i qəbul edib. Əyalət təmsilçisi də böyü hesabla üstün olub. Kaxaber Tsxadadzenin komandası 1/8 finalda "Qarabağ"la qarşılaşacaq.

Xatırladaq ki, mərhələnin 28, 29 və 30 oktyabr tarixlərində oynanılan görüşlərindən sonra "Turan Tovuz", "Səbail", "Araz-Naxçıvan", "Kəpəz", "Şamaxı", "Difai", "Qaradağ Lökbatan" və "Mingəçevir" 1/8 finala adlayıb.

31 oktyabr (cümə axşamı)

14:00. “İmişli” – “Cəbrayıl” - 5:1

Qollar: Əsgər Hüseynov, 2, Dieqo Vaskes, 26, İdris İnqlablı, 47 , 51, 54 - Taleh Qarayev, 10

Hakimlər: Rövşən Rəcəbov, Orxan İbişov, Anar Bədəlov, Emin Abdullayev

Şamaxı OİK stadionu

15:00. “Qəbələ” – “Bakı Sportinq” - 4:0

Qollar: Domi Massumo, 5, 43, Ruslan Vorontsov, 20, Fərid İsgəndərov, 75

Hakimlər: Nicat İsmayıllı, Vüqar Bayramov, Gülnurə Əkbərzadə, Nazim Abdullayev

Qəbələ şəhər stadionu

28 oktyabr (bazar ertəsi)

“Turan Tovuz” – “Hypers Quba” - 7:2 

29 oktyabr (çərşənbə axşamı) 

“Dinamo” – “Səbail” - 0:6 

“Şahdağ Qusar” – “Araz-Naxçıvan”  - 0:4 

“Ağdaş” – “Kəpəz” - 0:6 

MOİK – “Şimal”  - 3:1

30 oktyabr (çərşənbə)

“Şamaxı” – “Şəmkir” - 6:1

“Mingəçevir” – “Zaqatala” - 1:0

“Qaradağ Lökbatan” – “Karvan” - 3:0

“Şəfa” – “Difai” - 2:3 (ə.v.)