Millimiz Monteneqro yığmasına bu dəfə qalib gəlib

Monteneqronun paytaxtı Podqoritsada təlim-məşq toplanışında olan 18 yaşadək futbolçulardan ibarət Azərbaycan milli komandası növbəti yoxlama görüşünü keçirib.

Presssport.az xəbər verir ki, U-18 yığmamız Monteneqronun müvafiq yaş qrupundan ibarət komandası ilə qarşılaşıb. 

Oyun millimizin 2:1 hesablı qələbəsi ilə yekunlaşıb. Komandamızın heyətində qolları 5-ci dəqiqədə Emin Feyzullayev və 56-cı dəqiqədə Rəşad Alışov vurub.

 Millimizin heyətində bu futbolçular çıxış ediblər: 1. Həbib Hüşənov, 2. Ömər Əliaslanlı, 6. Nadir Orucov, 7. Əkbər Məhərrəmov, 8. Emin Feyzullayev, 9. Ömər Kərimov (3. Cavid Məlikov, 90+5), 10. Babamirzə Mehdiyev (19. Əli Qurbanov, 90+1), 11. Röyal Fərzullazadə (20. Rauf Qafarov, 37 / 18. Arzu Mədətov, 71), 17. Ziya Şəkərxanov (16. Əmir Əliyev, 46), 21. Murad Mustafayev, 23. Rəşad Alışov.

Xatırladaq  ki, milli komandalar arasında oktyabrın 29-da keçirilən ilk oyunda rəqib 2:0 hesablı qələbə qazanmışdı.