"O, mənə Banişevskini xatırladır" - "Dinamo"nun rəsmisi

Moskva "Dinamo"sunun Direktorlar Şurasının üzvü Sergey Stepaşin "Lokomotiv"in futbolçusu Aleksey Batrakovdan danışıb. 

Presssport.az xəbər verir ki, rusiyalı futbo funksioneri “Sport-Ekspress”ə açıqlamasında əfsanəvi azərbaycanl hücumçu Anatoli Banişevskidən söz açıb: "Bilirsiniz, Aleksey mənə kimi xatırladır? "Neftçi" və SSRİ yığmasından Anatoli Banişevskini. O, braziliyalılara "Marakana" stadionunda başla qol vururdu". 

Yarımmüdafiəçi olan Batrakovun 19 yaşı var. O, "Lokomotiv"lə yanaşı Rusiya U-21 millisinin də üzvüdü.

Xatırladaq ki, mərhum Banişevski bütün futbolçu karyerasını (1964-78-ci illər) yalnız bir klubda -  "Neftçi"də keçirib.