"Qarabağ"ın Norveçdəki matçının qonaq azarkeşləri üçün biletlər bu gündən satışa çıxarılacaq - qiymət də bəllidi

"Qarabağ"ın Norveçdə "Budyo Qlimt"ə qarşı keçirəcəyi Avropa Liqası matçının qonaq azarkeşləri üçün biletlər bu gündən satışa çıxarılacaq.

Presssport.az xəbər verir ki, bu barədə Azərbaycan təmsilçisinin mətbuat xidməti məlumat yayıb.

Tərəfdarlar biletləri saat 14:00-dan etibarən iTicket.az saytında əldə edə biləcək. Onlar əldə etdikləri vauçerləri oyun günü saat 14:00-dan 16:00-a kimi "Scandic Havet" (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidi. Biletlərin qiyməti 55 manatdı.

Xatırladaq ki, Avropa Liqasının Liqa mərhələsinin IV turunda, noyabrın 7-də təşkil olunacaq "Budyo Qlimt" - "Qarabağ" oyunu Bakı vaxtı ilə saat 21:45-də start götürəcək.