Murad Musayevin komandası I dövrənin qalibi olub

Rusiya Premyer Liqasında XIV tura yekun vurulub.

Presssport.azxəbər verir k, “Sabah”ın sabiq baş məşqçisi Murad Musayevin rəhbərlik etdiyi "Krasnodar" uğurlu çıxışını bu turda da davam etdirərək "Orenburq" üzərində 4:0 hesablı qələbə qazanıb.

Bu nəticə ilə xalını 36-a yüksəldən "Krasnodar" XV turun nəticəsindən asılı olmayaraq I dövrənin qalibi olub. 16 komandanın mübarizə apardığı Rusiya Premyer Liqasında Murad Musayevin komandasının ən yaxın izləyicisi 33 xala malik "Zenit"dir. Lakin şəxsi oyunlarda üstünlük "Krasnodar"ın tərəfindən olduğundan son turda qeydə alınacaq istənilən nəticə onun liderlik mövqeyinə təsir etməyəcək.

Xatırladaq ki, Musayev bu il fevralın 1-də "Sabah"dan ayrılıb və 1 ay sonra, əvvəllər də çalışdırdığı "Krasnodar"ın baş məşqçisi təyin edilib.