"Qarabağ" Minskdə 1/4 finala qrup qalibi kimi yüksəldi

“Qarabağ”ın 15 yaşadək futbolçulardan ibarət komandası Belarusda keçirilən beynəlxalq turnirdə 1/4 finala yüksəlib.

Presssport.az xəbər verir ki, Vüqar Əsgərlinin komandası Minskdə təşkil olunan “Bizim gələcəyimiz” turnirində yer aldığı B qrupunu 7 xalla 1-ci yerdə tamamlayıb.

Təmsilçimiz III turda yerli BATE ilə heç-heçə edib - 1:1. “Qarabağ”ın heyətində 25-ci dəqiqədə Murad İbrahimli fərqlənib.

Növbəti mərhələnin matçları fevralın 9-da keçiriləcək.

Xatırladaq ki, “Qarabağ” ilk iki turda Rusiya təmsilçiləri “Zvezda” və “Olimpik”i 2:0 hesabı ilə məğlub edib.