Milli komandamıza "Ankaragücü"ndən futbolçu dəvət olundu

19 yaşadək futbolçulardan ibarət Azərbaycan milli komandası noyabrın 6-dan 9-dək Bakıda təlim-məşq toplanışı keçəcək.

Presssport.az xəbər verir ki, U-19 noyabrın 10-dan 20-dək Moldovanın paytaxtı Kişinyovda Avropa çempionatının seçmə mərhələsində iştirak edəcək. 7-ci qrupda yer alan millimiz İslandiya, İrlandiya və Moldovanın müvafiq yaş qrupundan ibarət komandası ilə qarşılaşacaq.

Komandaya 20 futbolçu dəvət edilib. Onlardan yalnız 1-i legionerdi. 

Qapıçılar: Sadiq Məmmədzadə ("Qarabağ"), Səlim Həşimov "(Zirə")

Müdafiəçilər: Hüseyn Hüseynov ("Turan Tovuz"), Nihad Əliyev, Emil Bünyadzadə, (hər ikisi "Qarabağ"), Kənan Feyziyev, Nadir Orucov (hər ikisi "Sumqayıt"), Məhəmməd Məmmədli ("Neftçi"), Surxay Nəbiyev ("Sabah")

Yarımmüdafiəçilər: Qədir Ramazanov ("Qəbələ"), Elgün Dünyamalıyev, Şahin İbrahimov, İlkin Cəfərli (Hamısı "Sabah"), Sənan Muradlı, Nahid Əhmədzadə (Hər ikisi "Sumqayıt"), Əşrəf Ələkbərli, Hikmət Cəbrayılzadə (hər ikisi "Qarabağ"), Murad Məmmədov ("Neftçi")

Hücumçular: Həsən Nəzərli ("Ankaragücü, Türkiyə), Nihad Orucəli ("Sumqayıt")