UEFA millimizin rəqibini 10 min avro cərimələyib

UEFA Azərbaycan yığmasının Millətlər Liqasındakı rəqibini cərimələyib.

Presssportşaz xəbər verir, qitə futbol qurumu Estoniya Futbol Assosiyasına 10000 avroluq cərimə kəsib.

Buna milli komandanın IV turda İsveç yığmasına evdə uduzduqları (0:3) matçda azarkeşlərin irqçiliyə yol verməsi səbəb olub.

Bundan əlavə, assosiasiyaya 1 illik sınaq müddəti də verilib. Belə ki, bu hal yenidən təkrarlansa, millinin matçında tribunalar qismən bağlanacaq.

Xatırladaq ki, estonlar V turda millimizin qonağı olacaq. Noyabrın 16-da Qəbələ şəhər stadionunda keçiriləcək həmin qarşılaşma saat 18:00-da start götürəcək.