"Sabah" Mikelsi itirib

“Sabah” Misli Premyer Liqasının XIII turunun oyununa ciddi itki ilə çıxacaq.

Presssport.az xəbər verir ki, Masazır təmsilçisi almaniyalı legioneri Coy-Lens Mikelsin xidmətindən istifadə edə bilməyəcək.

Məsələ burasındadır ki, sol cinah yarımmüdafiəçisi cəzalı duruma düşüb. Belə ki, XII turun “Sumqayıt”la (1:0) görüşünün 62-ci dəqiqəsində sarı vərəqə ilə cəzalandırılmış Mikelsdə bu 4-cü olduğuna görə növbəti turdakı “Kəpəz”lə ev oyununda meydana çıxmayacaq.

Bu görüşə noyabrın 9-da “Bank Respublika Arena”da saat 19:30-da start veriləcək.