"Qarabağ"ın sabiq qapıçısı yığmaya buraxılmadı

"Qarabağ"ın sabiq qapıçısı Andrey Lunyov Rusiya yığmasının noyabrdakı toplanışında iştirak etməyəcək.

Presssport.az xəbər verir ki, bu barədə Rusiya millisinin qapıçılar üzrə məşqçisi Vitali Kafanov "Sport-Ekspress"-ə açıqlamasında məlumay verərək, Moskvanın "Dinamo" klubununtəcrübəli  qolkiperin toplanışdan azad olunması ilə bağlı yığma rəsmilərinə müraciət etdiyini vurğulayıb: "Elə oldu ki, geniş siyahıdakı 6 qapıçıdan yalnız 3-ü gələcək. Matvey Safonov PSJ-də qalacaq, "Zenit"dən Yevgeni Latışonok zədələnib. "Dinamo" da Andrey Lunyovu noyabrdakı təlim-məşq toplanışına çağırmamağı xahiş etdi, dizində problem var. Ola bilsin ki, 4-cü qapıçını çağıraq".
Rusiya yığması noyabrın 15-də Bruneylə, 19-da isə Suriya ilə qarşılaşacaq.

Xatırladaq ki, Lunyov ötən mövsümün sonunda "Qarabağ"dan ayrılaraq "Dinamo"ya keçib.