Yon Dal Tomasson millimizlə matça 23 futbolçu çağırıb

İsveç yığmasının UEFA Millətlər Liqasının qrup mərhələsinin son 2 turunda Slovakiya və Azərbaycan milli komandalarına qarşı keçirəcəyi oyunların heyəti açıqlanıb.

Presssport.az xəbər verir ki, danimarkalı baş məşqçi Yon Dal Tomasson C liqasının I qrupu çərçivəsində noyabrın 16-da Slovakiya, 19-da isə Azərbaycan komandasına qarşı evdə baş tutacaq matçlara 23 futbolçu dəvət edib.

Qapıçılar: Viktor Yohansson (“Stok Siti”, İngiltərə), Kristoffer Nordfeldt (AIK), Yakob Videll Zetterström (“Derbi Kaunti”, İngiltərə);

Müdafiəçilər: Qabriel Qudmundsson (“Lill”, Fransa), İsak Hien (“Atalanta”, İtaliya), Emil Kraft (“Nyukasl”, İngiltərə), Viktor Nilsson Lindelöf (“Mançester Yunayted”, İngiltərə), Ken Sema (“Uotford”, İngiltərə), Erik Smit (“Sankt Pauli”, Almaniya), Karl Starfelt (“Selta”, İspaniya), Daniel Svensson (“Nordsyelland”, Danimarka);

Yarımmüdafiəçilər: Yasin Ayari (“Brayton”, İngiltərə), Lukas Berqvall (“Tottenhem”, İngilərə), Uqo Bolin (“Malmö”), Niklas Eliasson (AEK, Yunanıstan), Emil Forsberq (“Nyu York Red Bullz”, ABŞ), Yesper Karlström (“Udineze”, İtaliya), Uqo Larsson (“Ayntraxt”, Almaniya), Sebastian Nanasi (“Strasburq”, Fransa), Anton Saletros (AIK);

Hücumçular: Viktor Qyökereş (“Sportinq”, Portuqaliya), Alexander İsak (“Nyukasl”, İngiltərə), Deyan Kuluşevski (“Tottenhem”, İngiltərə).

Xatırladaq ki, İsveç - Azərbaycan qarşılaşması noyabrın 19-da Bakı vaxtı ilə saat 23:45-də “Strouberri Arena”da keçiriləcək.