"Neftçi" "Şamaxı" ilə oyuna hazırlaşır

“Neftçi” Misli Premyer Liqasının XIII turunda qarşılaşacağı “Şamaxı” ilə oyunun hazırlığını davam etdirir.

Presssport.az xəbər verir ki, “Araz-Naxçıvan”la matçın ertəsi günü bərpa məşqi edib bir günlük istirahətə buraxılan “ağ-qaralar” bu gün “Neftçi” Futbol Mərkəzində növbəti məşqə çıxıb.

Baş məşqçi Samir Abasovun rəhbərliyi altında keçirilən hazırlıq prosesinə isinmə hərəkətləri ilə başlayan komanda üzvləri daha sonra toplu və taktiki çalışmaları yerinə yetirib.

Xatırladaq ki, noyabrın 8-də “Neftçi Arena”da baş tutacaq “Neftçi” – “Şamaxı” matçı saat 15:00-da başlayacaq.