İnfantino Trampı təbrik edib: "ABŞ-də möhtəşəm Dünya Çempionatı və Klublararası Dünya Kuboku keçirəcəyik"

FİFA prezidenti Canni İnfantino Donald Trampı ABŞ-də keçirilən prezident seçkilərində qazandığı qələbə münasibətilə təbrik edib.

Presssport.az xəbər verir ki, o, sosial şəbəkə hesabındakı paylaşımında bu sözləri yazıb:

“Təbrik edirəm, cənab Prezident! ABŞ-də möhtəşəm Dünya Çempionatı və Klublararası Dünya Kuboku keçirəcəyik! Futbol dünyanı birləşdirir!”.

Xatırladaq ki, 2026-cı ildə keçiriləcək futbol üzrə dünya çempionatına ABŞ Meksika və Kanada ilə birlikdə ev sahibliyi edəcək. Turnirin final görüşü iyulun 19-da Amerikanın Nyu-Cersi ştatında “MetLife” stadionunda baş tutacaq.