"Kəpəz" I Liqadan futbolçu transfer etdi

"Kəpəz" daha bir futbolçunu heyətinə cəlb edib. 

Presssport.az klubun mətbuat xidmətinə istinadən xəbər verir ki, Ədilxan Qarəhmədov "sarı-göylər"in şərəfini qoruyacaq.

Gənc futbolçu ilə mövsümün sonuna kimi müqavilə imzalanıb. Razılaşmaya əsasən, anlaşma daha bir il müddətinə artıra bilər.

23 yaşlı yarımmüdafiəçinin sonuncu klubu I Liqa təmsilçisi "İrəvan" olub.

Qeyd edək ki, "Kəpəz" bu qış hücumçu Amil Yunanov (“Səbail”) və cinah yarımmüdafiəçisi Camal Cəfərovu ("Sabah") da heyətinə cəlb edib. Hər ikisi cari mövsümün sonunadək icarəyə götürülüb.