Ronaldo qollarının sayını 1000-ə çatdırmaq istəyir: "Buna nail olsam..."

Portuqaliya millisinin və "Əl-Nəsr"in kapitanı Kriştiano Ronaldo rəsmi matçlarda vurduğu qolların sayını 1000-ə çatdırmaq istəyir.

Presssport.az xəbər verir ki, 39 yaşlı hücumçu bunu açıq şəkildə bəyan edib: "Həyat prinsipim isə budu ki, anı yaşa və gələcək illərdə ayaqlarının necə reaksiya verəcəyini gör. Qollarımın sayını 1000-ə çatdırsam, əla olar. Amma etməsəm, belə bu, mənim üçün problem olmayacaq. Çünki indiyədək hələ heç kim məndən artıq qol vurmayıb”.

Bu yerdə bildirək ki, Ronaldo karyerası ərzində 908 qol vurub. 2023-cü ilin yanvarından Səudiyyə Ərəbistanı klubunda çıxış edən Kriştiano əvvəllər “Sportinq”, “Mançester Yunayted”, “Real” və “Yuventus”da çıxış edib. Onun millidə 216 matçda 133 qolu var.