San-Marino yığması tarixi qələbə qazandı, C Liqasına yüksəldi

UEFA Millətlər Liqasında son turun oyunları davam edir.

Presssport.az xəbər verir ki, 2-ci oyun günündə 9 qarşılaşma keçirilib.

San-Marino millisi tarixində ilk dəfə səfər qələbəsi qazanıb. Özü də buna əzmkar qələbəylə nail olaraq ilk dəfə 1 oyunda 3 qol vurmaqla.

4 oyunda 7 xal toplayan san-marinolular D Liqasının 1-ci qrupunda 1-ci yeri tutub və növbəti Millətlər Liqasında C Liqasında çıxış edəcək. Maraq üçün bildirək ki, bu yığma FIFA-nın reytinq cədvəlində sonuncu - 210-cu yerdədi.

Xatırladaq ki, tura sabah keçiriləcək oyunlarla yekun vurulacaq. Həmin güm Azərbaycan millisi səfərdə İsveç yığmasıyla qarşılaşacaq. 

UEFA Millətlər Liqası

Qrup mərhələsi

VI tur

18 noyabr

A Liqası, 1-ci qrup

Xorvatiya - Portuqaliya - 1:1

Qollar: Yoşko Qvardiol, 65 - Joau Feliks, 33

Polşa - Şotlandiya - 1:2

Qollar: Kamil Pyatkovski, 59 - Con MakQin, 3, Endryü Robertson, 90+3

Xallar: Portuqaliya - 14, Xorvatiya - 8, Şotlandiya - 7, Polşa - 4

A Liqası, 4-cü qrup

İspaniya - İsveçrə - 3:2

Qollar: Yeremi Pino, 32, Brayan Hil, 68, Brian Saraqosa, 90+5-pen - Joel Monteyro, 63, Endi Zekiri, 85

Serbiya - Danimarka - 0:0

Qırmızı vərəqə: Straxinya Pavloviç, 90+5 (Serbiya) 

Xallar: İspaniya - 16, Danimarka - 8, Serbiya - 6, İsveçrə - 2.

C Liqası, 2-ci qrup

Kosovo - Litva - 1:0

Qol: Muharrem Yaşari, 5

Qırmızı vərəqə: Muharrem Yaşari, 45+1 (Kosovo)

Rumıniya - Kipr - 4:1

Qollar: Daniel Birlica, 2, Razvan Marin, 42, Yanis Haci, 80, Florinel Koman, 83 - İoannis Pittas, 52 

Qırmızı vərəqə: Konstantinos Layfis, 77 (Kipr)

Xallar: Rumıniya - 15, Kosovo - 12, Kipr - 6, Litva - 0.

C Liqası, 3-cü qrup

Bolqarıstan - Belarus - 1:1

Qollar: Vasil Panayotov, 13 - Aleksandr Martınoviç, 70

Lüksemburq - Şimali İrlandiya - 2:2

Qollar: Seid Koraç, 72, Jerson Rodriges, 75 - Ayzek Prays, 19 (0:1), Konor Bredli, 50 (0:2), 

Xallar: Şimali İrlandiya - 11, Bolqarıstan - 9, Belarus - 7, Lüksemburq - 3.

D Liqası, 1-ci qrup

Lixtenşteyn - San Marino - 1:3

Qollar: Aron Sele, 40 - Lorentso Lazzari, 46, Nikola Nanni, 66, Alessandro Qolinuççi, 77 

Xallar: San Marino - 7, Cəbəllütariq - 6, Lixtenşteyn - 2.