U-17 yığmamız Avropa çempionatının seçmə mərhələsindəki son oyununda uduzmayıb

Azərbaycanın 17 yaşadək futbolçulardan ibarət millisi (U-17) Avropa çempionatının seçmə mərhələsindəki son oyununda heç-heçə edib.

Presssport.az xəbər verir ki, İlham Yadullayevin komandası Rumıniyadan olan həmyaşıdlarıyla görüşüb.

Rumıniyanın Buftya şəhərində - Rumıniya Milli Futbol Mərkəzinin stadionunda təşkil olunan qarşılaşma 1:1 hesabı ilə yekunlaşıb. Yığmamızın heyətində Əlibəy Mahmudov 82-ci dəqiqədə fərqlənib.

Xatırladaq ki, U-17 daha əvvəl Yunanıstanla Macarıstana böyük hesabla uduzmuşdu - müvafiq olaraq 0:3 və 0:4.