Emin Mahmudov "Qarabağ"a qarşı oynayacaq?

Millimizin düşərgəsində zədələnən “Neftçi”nin yarımmüdafiəçisi Emin Mahmudov Misli Premyer Liqasının 15-ci turu çərçivəsində “Qarabağ”la derbidə böyük ehtimalla komandanın heyətində yer alacaq. 

Klubdan Presssport.az-a verilən məlumata görə, XIV turun “Zirə” ilə oyununu (2:1) buraxan Mahmudov dünən fərdi məşqlərə başlayıb. 

Emin təxminən 3 günə tam olaraq kollektiv məşqlərə qayıdacaq və bununla da onun turun qarşıdakı mərkəzi oyununda iştirak etmək ehtimalı artacaq. 

Xatırladaq ki, “Neftçi” – “Qarabağ” oyunu dekabrın 1-də “Neftçi Arena”da saat 19:00-da keçiriləcək.