"Qalatasaray" "Qarabağ"ın rəqibinin futbolçusunu transfer etmək istəyir - təklif də göndərib, oyunçu da razıdı

"Qalatasaray" Avropa Liqasının Liqa mərhələsinin V turunda "Qarabağ"ın rəqibi olan "Lion"un futbolçusu Korentin Tolisso ilə maraqlanır.

Presssport.az xəbər verir ki, Türkiyə çempionu Fransa millisinin üzvü üçün qarşı tərəfə təklif göndərib.

Hazırda maliyyə böhranı yaşayan "Lion"un istanbulluları cəlbedici təklifindən imtina etməyəcəyi iddia olunur.

"Lion"un yetirməsi olan Tolissonun özü də "Qalatasaray"a keçməyə müsbət yanaşır. 30 yaşlı yarımmüdafiəçi karyerası ərzində "Lion"la yanaşı, "Bavariya"da da oynayıb. Onun Fransa klubu ilə müqavilə müddəti 2027-ci il iyunun 30-na qədərdir.