Bu gün Sumqayıtda Konfrans Liqası matçı var - "Dinamo" ilk xalını qazanacaqmı?

Konfrans Liqasının Liqa mərhələsinin 5-ci turunun matçlarından biri bu gün Sumqayıtda keçiriləcək.

Presssport.az xəbər verir ki, Minsk "Dinamo"su "Kopenhagen"i Mehdi Hüseynzadə adına Sumqayıt şəhər stadionunda qəbul edəcək. 

Görüş saat 21:45-də başlayacaq. 

Məlumdu ki, UEFA Ukraynadakı müharibə ilə əlaqədar Belarus klublarına ev oyunlarını doğma meydanda keçirmək qadağası qoyub. Bu səbəbdən onlar avrokubok matçlarında rəqiblərini neytral meydanda qəbul edir.

"Dinamo" daha əvvəl ilk turda Şotlandiya “Harts”ıyla oyununu da "Mehdi Hüseynzadə"də keçirib.

Onu da bildirək ki, hazırda Liqa mərhələsinin turnir cədvəlində "Kopenhagen" 2 xalla 29-cu, xalsız olan "Dinamo" isə 35-cidir. 

28 noyabr

21:45. “Dinamo” (Minsk, Belarus) - “Kopenhagen” (Danimarka)

Baş hakim: Mixal Osenas (Slovakiya)

Sumqayıt. Mehdi Hüseynzadə adına şəhər stadionu