ABŞ basketbol millisi ardıcıl 5-ci , ümumilikdə 17-ci dəfə Olimpiya çempionu olub

ABŞ-ın kişi basketbol komandası ardıcıl 5-ci dəfə Yay Olimpiya Oyunlarında qalib olub.

Presssport.az xəbər verir ki, finalda amerikalı basketbolçular Fransa millisinə 98:87 (20:15, 29:26, 23:25, 26:21) hesabı ilə qalib gəliblər.

Çempionun bombardiri 24 xal toplayan Stiven Karri olub.

Maraqlıdı ki, Tokioda keçirilən əvvəlki Olimpiadada amerikalılar finalda məhz fransızları məğlub etmişdi. 

Ümumilikdə isə ABŞ basketbol yığması 17-ci dəfə Olimpiadanın qızıl medalını qazanıb.