Qadın boksçumuz dünya birinciliyində ilkə imza atıb

Azərbaycanın qadın boksçusu Aynur Mikayılova tarixi ilkə imza atıb.

Presssport.az xəbər verir ki, 57 kq çəkidə mübarizə aparan yığma üzvü Monteneqronun Budva şəhərində gənclər arasında keçirilən dünya birinciliyində bunu reallaşdırıb.

Mikayılova 1/4 finalda Reka Varqa Saraya (Macarıstan) ilk raundda tam üstünlüklə qalib gəlib. O, yarımfinala yüksəlməklə özü üçün azı bürünc medalı təmin edib. 

Bu, Azərbaycan boks tarixində ilkdi. Belə ki, indiyədək ölkəmizin heç bir qız boksçusu dünya birinciliyində bu mərhələyədək irəliləməyib. Onun qazanacağı istənilən əyarlı medal isə boks tariximizə qızlardan ibarət yığmanın ilk mükafatı kimi düşəcək.

Onu da bildirək ki, mundialda yarımfinal görüşləri bu gün təşkil olunacaq.