Daha bir boksçumuz dünya birinciliyində finala yüksəlib

Azərbaycan daha bir boksçusu Monteneqronun Budva şəhərində gənclər arasında keçirilən dünya birinciliyində finala adlayıb.

Presssport.az xəbər verir ki, bu, Əli Abdullayev (63,5 kq) olub.

O, yarımfinalda Camel Cemmalla (Fransa) qarşılaşaraq 4:1 hesablı qələbə qazanıb.

Yarımfinalda digər boksçularımızdan Zidan Hümbətov (51 kq) Castin Morenaya (Kolumbiya) 1:4, Məhəmmədəli Qasımzadə (60 kq) isə Platon Kozlova (Rusiya) 0:5 hesabı ilə uduzub. Onlar bürünc medal qazanıb. 

Xatırladaq ki, bunadək Azərbaycanın daha bir boksçusu finala yüksəlib. Bilalhəbaşi Nəzərov (48 kq) həlledici döyüşə çıxmaq hüququ qazanıb.