Üç həftəlik pauza öncəsi əzmkar qələbə - Qarayev inamlı oldu, "Kəpəz" xarakter göstərdi

AFFA U-15 Liqasında XII turun oyunları keçirilib.

Presssport.az xəbər verir ki, səfərdə darmadağına imza atan “Sabah” liderliyini qoruyub.

“Kəpəz” də rəqib meydanında qələbə sevinib. Hərçənd, gəncəlilər Bakıda “Dinamo”yla görüşdə erkən qolla hesabda geri düşüb. Ancaq həm qapıçısı Qüdrət Qarayevin inamlı oyunu, həm də komandanın xarakter göstərməsi yekunda 3:1 hesablı əzmkar qələbəylə nəticələnib. 

Onu da bildirək ki, cəzalı baş məşqçi İlqar Hüseynovun yoxluğunda “Kəpəz”i matça köməkçisi Rövşən Əhmədov çıxarıb. Nizami yurdunun təmsilçisi bu qələbədən sonra xal sayını 16-ya çatdıraraq digər Qərb təmsilçisi "Turan Tovuz"la birgə turnir cədvəlində 8-9-cu pillələri bölüşdürür. Hər 2 komandanın 1 oyunun az keçirdiyini də vurğulayaq. 

Onu da bildirək ki, COP29 ilə əlaqədar bütün liqalarda 3 həftəyə yaxın fasilə yaranıb. U-15 Liqasında növbəti tur noyabrın 23-24-də keçiriləcək. Özü də XIII turda məhz "Kəpəz"lə "Turan Tovuz" görüşəcək və bu, Gəncədə baş tutacaq. 

AFFA U-15 Liqası, XII tur

“Vətən” – “Asta” – 5:0

Yaqub Səmədov, 34. Turan Bəndəliyev, 36. Elgiz Abdullayev, 50. Davud Əbilov, 76. Harun Nur Kərim, 80

“Metak” – “Sabah” – 0:6

Vaqif Məmmədli, 25, 35. Nihad Hüseynzadə, 30. Əbubəkir Abdullayev, 38. Ruslan Əbilov, 49. Ayxan İbadov, 80

“Zirə” – “Sumqayıt” – 3:1

Süleyman Babasoy, 33. Vüqar Mustafayev, 43. Süleyman Babasoy, 48 - Altun Yusifli, 70

“Qarabağ” – EFA – 4:1

Daniil Rəcəbov, 36, 47. Cavidan Əlizadə, 53. Camal Hüseynli, 74 - Nurlan Kərimov, 34

“Dinamo” (Baku) – “Kəpəz” – 1:3

İskəndər Əliyev, 6 - Məhdi Bağırov, 24. Uğur Məmmədli, 48. Ömər Məmmədov, 76

“Turan Tovuz” – “Qəbələ” – 2:3

Aslan İbrahimov, 60. Əli Zeynallı, 73 - Tunar Bayramov, 35 (pen.). Nicat Rəhimli, 43, 77

“Neftçi” – “Səbail” – 6:1

Ceyhun Abdullayev, 11 (avtoqol). Ruslan Quliyev, 22. Qafar Babayev, 42, 46. Əli Musazadə, 62. Nihad Abbasov, 77 - Çingiz Məmmədov, 36