ÇL matçında ölən azarkeş sabiq baş məşqçi imiş

Çempionlar Liqasının (ÇL) Liqa mərhələsinin IV turunda baş tutan “Bavariya” – “Benfika” (1:0) matçı zamanı vəfat edən azarkeşin kimliyi bəlli olub. 

Presssport.az xəbər verir ki, həmin Romeyn Cin adlı şəxs Lüksemburqun qadınlardan ibarət futbol yığmasının keçmiş baş məşqçisi olub.

O, 2006-12-ci illərdə həmin milliyə rəhbərlik edib.

Xatırladaq ki, oyun zamanı halı pisləşən azarkeş ilkin tibbi yardım göstərildikdən sonra xəstəxanaya aparılarkən yolda dünyasını dəyişib. Məlumata görə, o infarktan vəfat edib.