Berdıyev oyunda aqressiv olmasıyla razılaşmadı: "İlk hissədə düzgün düzülə bilmədik, 2-ci ci hissəni nəzərə alsaq, 2 xal itirdik"

"Turan Tovuz" Misli Premyer Liqasının XIII turunda səfərdə "Səbail"lə 1:1 hesablı heç-heçə edib.

Presssport.az xəbər verir ki, Qərb təmsilçisinin baş məşqçisi Kurban Berdiyev oyundan sonra keçirilən mətbuat konfransında jurnalistlərin suallarını cavablandıraraq ilk olaraq qarşılaşmanı dəyərləndirib.

- İki fərqli hissə izlədik. Birinci hissədə düzgün düzülə bilmədik. "Səbail" daha yaxşı görünürdü. İkinci yarıda düzəlişlər etdik və düşünürəm ki, yaxşı oynadıq.

- Futbolçuların süni örtükdə oynamaqdan şikayəti var?

- Xeyr, şərtlər hamı üçün eynidi. Bununla bağlı şikayət yoxdu.

- Bu gün "Turan Tovuz" 2 xal itirdi, yoxsa 1 xal qazandı?

- İkinci hissəni nəzərə alsaq, 2 xal itirdik.

- Aqressiv olmağınızın səbəbi nə idi?

- Aqressiv olduğumu deməzdim. Sadəcə olaraq istəyirdim ki, futbolçularım daha tez oynasınlar.