Bakıda üçnövçülük üzrə Azərbaycan çempionatı keçiriləcək

Bakıdakı Respublika Olimpiya Mərkəzində Tofiq Karayev mükafatı uğrunda üçnövçülük üzrə XXVII Azərbaycan çempionatı keçiriləcək.

Presssport.az Azərbaycan Atletika Federasiyasının mətbuat xidmətinə istinadən xəbər verir ki, yarış 2011-2012 təvəllüdlü idmançılar arasında baş tutacaq.

İstedadlı uşaqların müəyyən edilməsi məqsədi daşıyan turnirə 60 və 200 metr məsafəyə qaçış, həmçinin uzunluğa tullanma növbəri daxildi.

Azərbaycan çempionatı dekabrın 7-də təşkil olunacaq.