Cicanı hazırda da lider olan 17 qat ölkə çempionu istəyir - qışda icarəyə götürməyə

"Qarabağ"ın albaniyalə hücumçusu Redon Cicanın qış transfer pəncərəsində ölkəsinə qayıda biləcəyinə dair növbəti xəbərlər yayılıb.

Presssport.a, xəbər verir ki, Albaniyanın "Panorama" nəşri "Partizani" klubunun 26 yaşlı hücumçunu heyətinə cəlb etmək istədiyini yazıb. 

Hazırda Albaniya Supe Liqasında lider olan bu klub 17 dəfə ölkə çempionu olub.

Onu da bildirək ki, Cicanın Ağdam klubu ilə 2026-cı ilin yayına qədər müqaviləsi var. Onu birdəfəlik transfer etmək üçün yüksək məbləğ tələb olunur. Bu səbəbdən "Partizani" hazırkı mövsümün 2-ci yarısı üçün futbolçunu icarə qaydasında transfer etmək istəyir.

Xatırladaq ki, Redon bugünlərdə Albaniya mətbuatına verdiyi müsahibədə "Qarabağ"da istədiyi oyun şansını qazana bilmədiyi üçün qışda Vətəninə qayıdacağını istisna etməyib.

O, bu mövsüm bütün turnirlərdə cəmi 10 oyunda meydana çıxaraq 3 qol vurub. Albaniyalı Avropa Liqasının qrup mərhələsinə sifariş olunmayıb.