Bağırovdan I Liqa təmsilçisi üzərində qələbə şərhi: "Heyətin 70-80 faizini dəyişmişdik, ona görə də çətinlik yaşadıq"

"Kəpəz" Azərbaycan Kubokunun 1/8 mərhələsində I Liqa təmsilçisi "İmişli"ni 1:0 hesabı ilə məğlub edərək növbəti raunda yüksəlib.

Presssport.az xəbər verir ki, Gəncə təmsilçisinin baş məşqçisi Azər Bağırov matçdan sonra fikirlərini bildirərək, onlar üçün oyunun çətin başladığını vurğulayıb: "Rəqib ilk dəqiqələrdən yaxşı müdafiə olundu. Birinci hissədə qol epizodlarımız da oldu. Amma reallaşdıra bilmədik. Heyətin 70-80 faizini dəyişmişdik, ona görə də çətinlik yaşadıq. Ümumi götürəndə, maraqlı həftə keçirəcəyik. Bazar günü "Zirə" ilə çempionat oyunumuz var. Əsas odur ki, qələbə qazandıq. Zədəsiz növbəti oyuna hazırlaşacağıq".