Bakıdakı Dünya Kubokunda iştirak edəcək komandalar açıqlanıb

Azərbaycanda ilk dəfə baş tutacaq 3x3 basketbol üzrə Dünya Kubokunun seçmə mərhələsində iştirak edəcək komandalar müəyyənləşib.

Azərbaycan Basketbol Federasiyasının mətbuat xidmətindən Presssport-az verilən məlumata görə, yarışda kişilərdən ibarət millimizlə yanaşı, Monteneqro, Kanada, Böyük Britaniya, Ruanda və İran yığmaları mübarizə aparacaq.

Qadınların yarışına isə Azərbaycan, Çili, Latviya, Çin Taypeyi, Brazilya və Misir kollektivləri qatılacaq.

Qarşılaşmalar mayın 24-25-də Bakıda təşkil olunacaq.

Onu da bildirək ki, kişi və qadın kateqoriyalarında seçmə mərhələnin ən yaxşı 3 milli komandası Dünya Kubokunun əsas mərhələsində iştirak etmək hüququ qazanacaq.