Tofiq Bəhramovun 100 illik yubileyi münasibətilə yoldaşlıq matçı keçirilib

Azərbaycanın əfsanəvi futbol hakimi Tofiq Bəhramovun 100 illik yubileyi münasibətilə yoldaşlıq matçı təşkil edilib.

Presssport.az xəbər verir ki, Gənclər və İdman Nazirliyinin təşkilatçılığı ilə baş tutan qarşılaşma Tofiq Bəhramov adına Respublika stadionunda keçirilib.

Oyunda futbol veteranları və idman jurnalistləri üz-üzə gəlib.

Görüşdən əvvəl Dövlət Himni səsləndirilib. Daha sonra mərhum hakimin və Vətən müharibəsində canından keçən şəhidlərin xatirəsi bir dəqiqəlik sükutla yad edilib.

Matç futbol veteranlarının 8:3 hesablı qələbəsi ilə yekunlaşıb.