"Mingəçevir" 2-ci legioner transferini edib

I Liqa təmsilçisi "Mingəçevir" növbəti transferini reallaşdırıb.

Presssport.az xəbər verir ki, bu qış heyətin yarıdan çoxunu yeniləyən mərkəzi aran təmsilçisi nigeriyalı hücumçu ilə anlaşıb.

Daha öncə digər I Liqa komandası "Qaradağ Lökbatan"da da çıxış edən 24 yaşlı hücumçu Fanen Akyam heyətə qatılıb. 

Bu, "Mingəçevir"in 2-ci legioner transferi olub. Klub dünən 21 yaşlı forvard Abba Usmanı da rənglərinə bağladığını açıqlayıb.

Akyam "Qaradağ Lökbatan"dan ötən ilin yayında ayrılmışdı.

Xatırladaq ki, "Mingəçevir" I Liqada 6 xalla sonuncu - 10-cu sırada qərarlaşıb (fanat.az).