Qəzaya uğrayan təyyarədə dünya çempionları da olub

ABŞ-ın paytaxtı Vaşinqtonda sərnişin təyyarəsi ilə hərbi helikopter toqquşub. 

Presssportaz xəbər verir ki, qəza nəticəsində həlak olanların əksəriyyəti idmançıdı. 

Onlar fiqurlu konkisürmə üzrə ABŞ çempionatının keçirildiyi Uiçito şəhərindən gəlirlərmiş.

İlkin siyahıya əsasən Endryu Toqaşev, Maksim Naumov, Alisa Yefimova, Mişa Mitrofanov, Keti Makbet, Daniil Parkman, Kristina Kerreyra, Entoni Pononarenko, Aleksey Şepetov, Annabel Morozov, Artyom Markelov, Anton Spiridonov və Danila Savelyev qəzada həyatını itirib. 

Bu idmançıların əksəriyyəti rusiyalı mühacirlərin övladlarıdı. 

Təyyarədə olanlar arasında 1994-cü ildə fiqurlu konkisürmə üzrə dünya çempionları, Rusiya milli komandasının üzvləri Yevgeniya Şişkova və Vadim Naumov da olub. Onların taleyi barədə hələ ki, məlumat yoxdu.