"Sərhədçi"dən asan, "Neftçi"dən çətin qələbə

Bu gün Azərbaycan Basketbol Liqasında (ABL) 11-ci turun iki oyunu baş tutub. Presssport.az xəbər verir ki, "Sərhədçi" İdman Mərkəzində baş tutmuş turun açılış oyununda "Sərhədçi" və "Şəki" üz-üzə gəlib. Bu görüşdə "Sərhədçi" 112:82 hesablı rahat qələbə qazanıb. Ən məhsuldar basketbolçular: "Sərhədçi" (Kaleb Hanter - 30 xal, 7 asist), "Şəki" (Pol Dibal - 21 xal, 9 ribaund). Günün ikinci oyununda liderlər qrupunda qərarlaşmış "Neftçi" "Cəlilabad" ilə qarşılaşıb. Gərgin oyunun yekununda 72:63 hesabı ilə qələbəyə sevinən tərəf "Neftçi" olub. Ən məhsuldar basketbolçular: "Neftçi (Toraje Breyk - 20 xal, 11 asist), "Cəlilabad" (Rişan Conson - 15 xal, 10 ribaund)