"Neftçi"nin 6 futbolçusu hazırlıqda iştirak etmir

"Neftçi” Misli Premyer Liqasının 14-cü turunda qarşılaşacağı “Zirə” klubu ilə oyunun hazırlığını davam etdirir.

Presssport.az klubun mətbuat xidmətinə istinadən xəbər verir ki, noyabrın 17-dəki bir günlük istirahətdən sonra məşqləri bərpa edən “ağ-qaralar” “Neftçi” Futbol Mərkəzində növbəti məşqə çıxıb. 

Baş məşqçi Samir Abasovun rəhbərliyi altında keçən hazırlıq prosesində əsas və U-19 milli komandalarının düşərgəsində olan futbolçular – Ramil Şeydayev, Rza Cəfərov və Murad Məmmədov, həmçinin millinin məşqində zədələnən Emin Mahmudov, eləcə də Sent Martin və Monteneqro yığmalarına dəvət alan Kilan Lebon və Edvin Kuç iştirak etməyib.

Xatırladaq ki, noyabrın 23-də “Neftçi Arena”da keçiriləcək “Neftçi” – “Zirə” matçı saat 19:00-da başlayacaq.