Səhvləri özümüzdə axtarmalıyıq ki, bu da bizə gələcəkdə kömək edəcək" - Andrade

"Qarabağ"ın yarımmüdafiəçisi Leandro Andrade Avropa Liqasının Liqa mərhələsinin 7-ci turunda Rumıniyanın FKSB klubuna Bakıdakı məğlubiyyəti (2:3) şərh edib.

Presssport.az xəbər verir ki, portuqaliyalı futbolçu Azərbaycan çempionunun evdəki uğursuz çıxışına toxunub: “Həqiqətən qələbə qazanmaq və azarkeşlərimizi sevindirmək istəyirdik. Qələbə qazanmaq üçün hər şeyi etdik. Çoxlu qol vəziyyəti yaratdıq. Amma buraxdığımız səhvlər də oldu. Məhz bunlar da məğlubiyyətimizə səbəb oldu. Səhvləri özümüzdə axtarmalıyıq ki, bu da bizə gələcəkdə kömək edəcək. Təəssüf ki, bu mövsüm ötən ilki qədər uğurlu çıxış edə bilmədik”.