“Qarabağ”ı ən zəif komanda kimi görmürük, ona qalib gəlmək vacib deyil" - "Olimpiakos"un baş məşqçisi

"Olimpiakos" sabah Avropa Liqası Liqa fazasının 8-ci turu çərçivəsində "Qarabağ"ı qəbul edəcək.

Presssport.az xəbər verir ki, Pirey təmsilçisinin baş məşqçisi Xose Luis Mendiribar matçdan öncə keçirilən mətbuat konfransında iştirak edib. İspan mütəxəssis Azərbaycan çempionunun zəif komanda olmadığını deyib: “Qarabağ”a qalib gəlmək vacib deyil. Amma onları məğlub etmək istəmək, cəhd etmək və buna nail olmaq üçün mümkün olan hər şeyi etmək lazımdı. “Qarabağ”ı ən zəif komanda kimi görmürük. Onlara bənzər başqa komandalar da var. Sadəcə, yaxşı nəticələr əldə etməyiblər. Lakin bu, onların rəqabətdə pis komanda olduqları demək deyil. İstədiyimiz nəticəni əldə etmək üçün yaxşı oynamalıyıq. Qalib gəlmək üçün səy göstərəcəyik və sonra digər oyunların nəticələrinin necə olacağını görəcəyik".

Xatırladaq ki, "Olimpiakos" - "Qarabağ" qarşılaşması sabah Bakı vaxtı ilə saat 00:00-da baş tutacaq.